BAKI,TurkicWorld
Birləşmiş Ərəb Əmirlikləri İran Xarici İşlər Nazirliyinin verdiyi bəyanatı ən sərt şəkildə pisləyərək,suvereniyini, milli təhlükəsizliyini və ya müstəqil qərar qəbuletməsini hədəf alan hər hansı bir iddia və ya təhdidi qəti şəkildə rədd etdiyini bir daha təsdiqləyib.
TurkicWorld xəbər verir ki,Xarici İşlər Nazirliyi (XİN) verdiyi açıqlamada BƏƏ-nin beynəlxalq münasibətlərinin və müdafiə tərəfdaşlığının müstəsna suveren məsələ olduğunu və heç bir tərəfin bunlardan təhdid, müdaxilə və ya təhrik üçün bəhanə kimi istifadə etmək hüququna malik olmadığını vurğulayıb.
Nazirlik vurğulayıb ki, ölkənin təhlükəsizliyinə, mülki və kritik infrastrukturuna və ya vətəndaşlarının, sakinlərinin və qonaqlarının təhlükəsizliyinə birbaşa və ya dolayı yolla təhdidlər
yaradan hər hansı bir ritorika mehriban qonşuluq prinsiplərinə, beynəlxalq hüquqa və BMT Nizamnaməsinə zidd olan qəbuledilməz davranışdır.
Nazirlik vurğulayıb ki, BƏƏ istənilən təhdid, iddia və ya düşmənçilik hərəkətinə qarşı tam suveren, hüquqi, diplomatik və hərbi hüquqlarını özündə saxlayır.
Nazirlik əlavə olaraq təsdiq edib ki, məcburetmə cəhdləri, ittihamlar irəli sürmək və ya zərərli iddialar irəli sürmək BƏƏ-nin prinsipial mövqelərini sarsıtmayacaq və ölkənin ali milli maraqlarını qorumaqdan, suverenliyini və müstəqil qərar qəbul etməkdən çəkindirməyəcək.
