Bakı, TurkicWorld
İran paytaxtında və bombardmana məruz qalan digər şəhərlərdə səhiyyə sistemi yüksək hazırlıq rejiminə keçirilib.
xəbər verir ki, İran Səhiyyə Nazirliyi Tehranın bütün xəstəxanalarında və zərbələrə məruz qalan digər şəhərlərdə tibbi fövqəladə vəziyyət elan edib. Rəsmi məlumata əsasən, bütün təcili tibbi yardım maşınları və tibbi heyət tam hazır vəziyyətə gətirilib.
Nazirlik bildirib ki, təcili yardım briqadaları partlayışların qeydə alındığı ərazilərə istiqamətləndirilib. Yaralıların qəbulu və operativ cərrahi müdaxilələrin həyata keçirilməsi üçün xüsusi krizis mərkəzləri yaradılıb.
Səhiyyə qurumları ehtiyat tibbi ləvazimat və qan banklarının səfərbər olunduğunu, əlavə tibbi personalın xidmətə cəlb edildiyini açıqlayıb. Regionda davam edən gərginlik fonunda tibbi sistemin fasiləsiz fəaliyyətinin təmin olunması prioritet elan edilib.
