Bakı. TurkicWorld:
Hazırda İsraillə atəşkəs razılaşması yoxdur.
TurkicWorld-un məlumatına görə, bu barədə İran xarici işlər naziri Abbas Araqçi öz "Telegram" kanalında yazıb.
"Hazırda atəşkəs və ya hərbi əməliyyatların dayandırılması ilə bağlı heç bir razılaşma yoxdur", - deyə nazir bildirib.
Onun sözlərinə görə, döyüş əməliyyatlarının dayandırılması ilə bağlı son qərar İran tərəfindən daha sonra veriləcək.
Xatırladaq ki, iyunun 22-də ABŞ Hərbi Hava Qüvvələri İranın üç nüvə obyektinə zərbələr endirib. Mövcud məlumatlara görə, hər üç obyekt məhv edilib.
İyunun 23-də İslam İnqilabı Keşikçiləri Korpusu (SEPAH) Qətərdəki ABŞ-ın Əl Udeid bazasına raket zərbəsi endirib.
Bu gün səhər saatlarında ABŞ prezidenti Donald Tramp tərəflərin atəşkəs barədə razılığa gəldiyini bildirib.
