BAKI, TurkicWorld
Putin və Tramp arasında görüş bu gün saat 17:00-da baş tutacaq.
TurkicWorld xəbər verir ki, Rusiya prezidenti Vladimir Putin və ABŞ prezidenti Donald Tramp bu gün Türkiyə vaxtı ilə saat 17:00-da görüş keçirəcəklər.
Bu barədə Kreml Sarayının mətbuat katibi Dmitri Peskov məlumat verib.
Peskov bildirib ki, görüşdə Rusiya-Ukrayna nümayəndə heyətləri arasında İstanbulda keçirilməsi planlaşdırılan danışıqların detalları müzakirə olunacaq. Onun sözlərinə görə, Putin-Tramp görüşü vacib xarakter daşıyır və danışıqların konstruktiv keçəcəyi gözlənilir.
“Bu görüşdə hansı qərarların veriləcəyi birbaşa iki liderin iradəsindən asılı olacaq”, – deyə Peskov qeyd edib.
Qeyd edək ki, Donald Tramp bu gün həm Vladimir Putin, həm də Ukrayna prezidenti Vladimir Zelenski ilə ayrıca telefon danışığı aparacaq.
