Bakı, TurkicWorld
İordaniya kralı II Abdullah yeni hökuməti formalaşdırmaq üçün İordaniya Kral Ofisinin direktoru Cəfər Həsəni təyin edib.
TurkicWorld ArabAZ-a istinadən xəbər verir ki, bu barədə İordaniya Kral Məhkəməsi açıqlama verib.
Açıqlamaya görə, yeni baş nazir parlament seçkilərindən sonra seçilib və keçmiş baş nazir Bişr əl-Həsəvnə adət-ənənəyə uyğun olaraq istefa ərizəsini II Abdullaha təqdim edib.
Məlumat üçün qeyd edək ki, Paris Amerika Universitetində bakalavr təhsilini başa vuran Həsən Harvard Universitetində dövlət idarəçiliyi və Boston Universitetində beynəlxalq əlaqələr üzrə magistr dərəcəsi alıb.
İordaniyanın baş naziri təyin edilən 56 yaşlı Cəfər Həsən xarici işlər nazirliyində və dövlətdə müxtəlif yüksək vəzifələrdə çalışıb.
Baş nazir təyin olunmazdan əvvəl Həsən İordaniya Kral Ofisinin direktoru vəzifəsində çalışıb.
Məlumat üçün qeyd edək ki, İordaniyada keçirilən hər parlament seçkisindən sonra hökumət yeni hökumətin qurulmasına hazırlıq məqsədilə istefa ərizəsini krala təqdim edir.
Bişr əl-Həsəvnə hökuməti 12 oktyabr 2020-ci ildə yaradılıb.
İordaniyada sentyabrın 10-da keçirilən seçkilərdə ölkə üzrə 197 yerli və ümumi siyahıdan 1 623 namizəd parlamentin aşağı palatası olan Nümayəndələr Palatasında 138 yer uğrunda mübarizə aparıb.
Qeyd edək ki, İordaniyada parlament iki qanaddan ibarətdir. Seçki yolu ilə müəyyən edilən Nümayəndələr Palatası və üzvləri Kral tərəfindən təyin olunan Senat.
Hafiz Rufizoğlu
