Bakı. TurkicWorld:
İrəvan Qərbin iştirakı ilə bu cür tədbirlərin anti-Rusiya istiqamətini inadla görməzdən gəlir.
TurkicWorld xəbər verir ki, bu barədə Rusiya Xarici İşlər Nazirliyinin mətbuat xidmətinin rəhbəri Mariya Zaxarova bugünkü brifinqdə deyib.
"İrəvanın Qərbin iştirakı ilə bu cür tədbirlərin anti-Rusiya istiqamətini, onların əksər region ölkələrinin maraqlarının tamamilə ziddinə olmasını, Cənubi Qafqazda sülh və sabitliyin əldə olunması üzrə məqsədlərə uyğun olmadığını və ən əsası, İrəvana hazırda hər şeyi vəd edənlərin, əslində, bunu əvvəllər necə həyata keçirdiklərinə dair misalların olmamasını inadla görməzdən gəlməsi təəssüf doğurur.
Bu cür misallar sadəcə yoxdur, lakin daha çoxunun vəd verildiyi, lakin heç birinin yerinə yetirilmədiyi və iqtisadiyyatın, dövlətçiliyin çökdüyü, ictimai və sosial problemlərin kəskinləşdiyinə dair misallar var", - o deyib.
ABŞ və NATO-nun regiondakı planlarına gəlincə, Zaxarova Rusiyanın real faktlara əsaslandığını qeyd edib.
Qeyd edək ki, aprelin 5-də Brüsseldə Ermənistanın baş naziri Nikol Paşinyanın Avropa Komissiyasının prezidenti Ursula fon der Lyayen və ABŞ dövlət katibi Antoni Blinkenlə görüşü keçiriləcək.
