Bakı. TurkicWorld:
Yaponiyanın şimal-şərqində 5,8 bal gücündə zəlzələ qeydə alınıb.
TurkicWorld-un məlumatına görə, bu barədə ölkənin Milli Meteorologiya İdarəsi xəbər verib.
Məlumata əsasən, zəlzələnin episentri Fukusima prefekturasında yerləşib.
Zəlzələdən əvvəl ümummilli fövqəladə xəbərdarlıq sistemi işə salınıb - yerli sakinlərin mobil cihazlarına yaxınlaşan zəlzələ barədə xəbərdarlıq göndərilib. Yeraltı təkanlar Fukusima, Miyaqi və Tokio prefekturaları da daxil olmaqla, şimal-şərq və mərkəzi Yaponiyanın yeddi prefekturasında hiss olunub.
Xəsarət alanlar və dağıntılar barədə məlumat verilməyib. Həmçinin "Fukusima-1" AES-də fövqəladə vəziyyətlə bağlı hər hansı məlumat verilməyib.
