BAKI,TurkicWorld,Yusif Şərifzadə
Türkiyənin xarici işlər naziri Hakan Fidan beynəlxalq sistemin İsrail Baş naziri Binyamin Netanyahu ilə bağlı təhlükəyə qarşı mübarizə aparmalı olduğunu bildirib.
TurkicWorld xəbər verir ki, Fidan Netanyahunun Qəzzadakı müharibədən sonra bəşəriyyət üçün təhlükəyə çevrildiyini iddia edib və onun siyasətinin qarşısının alınması üçün təcili beynəlxalq addımların atılmasının vacibliyini vurğulayıb.
Türkiyənin xarici işlər naziri bildirib ki, beynəlxalq ictimaiyyət təhlükəsizlik və sabitliyin qorunması üçün bu məsələyə daha ciddi yanaşmalıdır.
Fidan Qəzzadakı vəziyyətlə bağlı İsrail rəhbərliyinə qarşı tənqidi mövqe nümayiş etdirərək, bölgədə davam edən proseslərin qlobal təhlükəsizliyə təsir etdiyini qeyd edib.
Onun sözlərinə görə, beynəlxalq sistem insan hüquqları və ədalət prinsiplərinə əsaslanaraq fəaliyyət göstərməlidir.
