BAKI, TurkicWorld
Türkiyənin Konya şəhərində İnterpol tərəfindən qırmızı bülletenlə axtarılan məhkum saxlanılıb
TurkicWorld xəbər verir ki, Konyada keçirilən əməliyyat nəticəsində İnterpolun qırmızı bülleteni ilə axtarılan Suriya əsilli məhkum E.H. saxlanılıb.
İl Təhlükəsizlik Müdirliyinin Köçkün Qaçaqçılıq Şöbə Müdirliyi əməkdaşlarının keçirdiyi sahə yoxlamaları zamanı İhsaniye məhəlləsində şübhəli bir şəxs nəzarətə alınıb.
Araşdırmalar nəticəsində həmin şəxsin 20 yaşlı E.H. olduğu müəyyən edilib. Onun “məhkumun qaçması” və “qəsdən xəsarət yetirmə” maddələri üzrə cəmi 11 il 3 ay müddətinə azadlıqdan məhrumetmə hökmü ilə axtarıldığı məlum olub.
Bundan əlavə, E.H.-nin İnterpol tərəfindən qırmızı bülletenlə beynəlxalq axtarışa verildiyi və “könüllü qayıtma” qeydinin olduğu təsbit edilib. Polis idarəsindəki prosedurların tamamlanmasının ardından E.H. aidiyyəti üzrə həbsxanaya təhvil verilib.
Qeyd edək ki, qırmızı bülleten İnterpol tərəfindən cinayət törədən və ya mühakimə olunmuş şəxslərin yerinin müəyyən edilməsi və tutulması üçün üzv ölkələrə göndərilən beynəlxalq axtarış qərarıdır.
