BAKI, TurkicWorld
Türkiyənin xarici işlər naziri Hakan Fidan Moldova xarici işlər naziri ilə görüş keçirib.
TurkicWorld xəbər verir ki, Türkiyənin xarici işlər naziri Hakan Fidan Polşanın paytaxtı Varşavada keçirilən Avropa İttifaqı Xarici İşlər Nazirlərinin Qeyri-rəsmi Toplantısı (Gymnich) çərçivəsində Moldovanın baş nazirinin müavini və xarici işlər naziri Mixay Popsoi ilə görüşüb.
Görüş zamanı iki ölkə arasında əməkdaşlıq məsələləri və regional inkişaflarla bağlı fikir mübadiləsi aparılıb. Fidan Polşada keçirilən sessiyada iştirak etmək məqsədilə səfərdədir və diplomatik təmaslarını davam etdirir.
Qeyd edək ki, Gymnich formatında keçirilən bu toplantılar Aİ-nin xarici siyasət məsələlərinin qeyri-rəsmi müzakirəsi üçün mühüm platformadır.
