BAKI, TurkicWorld
Qırmızı bülletenlə axtarılan 3 şübhəlidən ikisi Türkiyəyə gətirilib.
TurkicWorld xəbər verir ki, Türkiyə Daxili İşlər Nazirliyinin həyata keçirdiyi beynəlxalq əməkdaşlıq çərçivəsində “qırmızı bülleten”lə axtarılan üç cinayətkarın ikisi – A.H. və T.H.C. – xarici ölkələrdə tutularaq Türkiyəyə gətirilib.
Üçüncü şəxs – F.M.-in isə ekstradisiyası prosesi davam edir.
Nazir Ali Yerlikaya sosial media hesabında “Axtardığımız cinayətkarları xaricdə birgə əməliyyatlarla qırmızı bülletenlərlə tutaraq bir-bir ölkəmizə gətirməyə davam edirik” başlıqlı paylaşım edib.
Verilən məlumata görə, A.H. “Qəsdən adam öldürməyə cəhd və azadlıqdan məhrum etmə” cinayətləri üzrə Dubayda tutulub və “Tuna-Bulut” əməliyyatı çərçivəsində ölkəyə ekstradisiya edilib. T.H.C. isə “Qəsdən adam öldürmə, cinayət təşkilatına üzvlük və sənəd saxtalaşdırma” ittihamı ilə İranda saxlanılıb və Türkiyəyə qaytarılıb.
Kolumbiyada saxlanılan F.M.-in “narkotik və stimullaşdırıcı maddələrin qanunsuz dövriyyəsi” və “cinayət təşkilatına üzvlük” kimi ittihamlarla axtarıldığı, lakin onun ekstradisiyası prosesinin davam etdiyi bildirilib.
Qeyd edək ki, Nazir Yerlikaya əməliyyatda iştirak edən Ədliyyə Nazirliyi, İnterpol-Avropol Departamenti, Narkotiklərlə Mübarizə, Kəşfiyyat və Miqrasiya İdarəsi əməkdaşlarına təşəkkür edərək, “Heç bir cinayət cəzasız qalmayacaq” mesajı verib.
“Kırmızı Bültenle Aradığımız Suçluları Yurtdışında Ortak Operasyonlarla Yakalayıp Tek Tek Ülkemize Getirmeye Devam Ediyoruz”
— Ali Yerlikaya (@AliYerlikaya) April 21, 2025
Kırmızı Bültenle Uluslararası Seviyede Aradığımız A.H., T.H.C. ve F.M. isimli şahıslar yurtdışında yakalandı ❗️A.H. ve T.H.C. isimli şahısların… pic.twitter.com/NChakZd7Se
