BAKI, TurkicWorld
Türkiyə Prezidenti Rəcəb Tayyib Ərdoğanın Novruzun rəsmi bayram elan edilməsi ilə bağlı verdiyi açıqlamadan sonra bu proses rəsmən başlayıb.
TurkicWorld xəbər verir ki, Türkiyədə Novruzun rəsmi bayram elan olunması üçün hazırlıqlara başlanılıb və bu işlərə AK Partiyaya yeni qoşulan Kürşad Zorlu rəhbərlik edəcək.
Prezident Ərdoğan “21 Mart Novruz Bayramını Anma Proqramı”nda çıxışı zamanı Novruzun rəsmi status alacağını və bunun üçün Xalq Birliyinin fəaliyyət göstərəcəyini bildirib.
Qeyd edək ki, hazırda Azərbaycan, Qırğızıstan, Tacikistan, Türkmənistan, Qazaxıstan və Özbəkistanda rəsmi bayram statusuna malik olan Novruzun, bu prosesin tamamlanmasından sonra bütün türk dünyasının ortaq bayramı kimi qeyd edilməsi hədəflənir.
Məsələ ilə bağlı türk dövlətləri ilə danışıqlara başlanılacaq və bu mövzu may ayında Türk Dövlətləri Təşkilatının iclasında Prezident Ərdoğan tərəfindən gündəmə gətiriləcək.
