Bakı, TurkicWorld
Türkiyənin Afyonkarahisar vilayətində küçələrin birinə Azərbaycanın milli qəhrəmanı İbad Hüseynlinin adı verilib.
Bu barədə TurkicWorld -a açıqlamasında Türkiyə prezidentinin baş müşaviri Yalçın Topçu bildirib.
Məlumata görə, 4 oktyabr 2024-cü il tarixində 2024/32 saylı şura qərarı ilə Afyonkarahisarın Çayırbağ rayonundakı Kurtuluş küçəsinə Azərbaycanın Milli Qəhrəmanı İbad Hüseynlinin adı verilməsi ilə bağlı qərar qəbul edilib.
Rəsmi açılış mərasimi oktyabrın 17-də keçiriləcəkdir.
Qeyd edək ki, İbad Hüseynli, 2020-ci il İkinci Qarabağ Müharibəsi zamanı göstərdiyi qəhrəmanlıqlarla tanınmışdır. Bundan əvvəl Türkiyədə İbad Hüseynlinin adına iki küçə və iki parkın açılış mərasimi olub.
