Bakı. TurkicWorld:
Macarıstanın Türk İnvestisiya Fonduna üzv olmaq istəyini alqışlayırıq.
TurkicWorld xəbər verir ki, bu barədə Türkiyənin xəzinə və maliyyə naziri Mehmet Şimşek açıqlayıb.
"Bu gün biz Türk İnvestisiya Fondunun fəaliyyətə başlaması ilə Türk Dövlətləri Təşkilatı çərçivəsində əməkdaşlığımızı gücləndiririk. Bu münasibətlə mən Türkiyə İnvestisiya Fondunun yaradılmasına qərar verən dövlət başçılarımıza, Türkiyə İnvestisiya Fondunun prezidenti cənab Bağdad Amreyevə, üzvlərimizin aidiyyəti nazirlik nümayəndələrinə və qurumun Katibliyinə minnətdarlığımı bildirmək istəyirəm", - deyə o əlavə edib.
Nazir Şimşek onu da qeyd edib ki, Fond fəaliyyətə başladığı zaman Macarıstanın üzvlük prosesinin başa çatdırılması önəm verilən gündəm bəndlərindən biri olacaq.
“Türk İnvestisiya Fondunun iş prinsipləri və effektiv fəaliyyət mexanizmi ilə uğurlu əməkdaşlıq üçün nümunə olacağına tam inanırıq”, - deyə o bildirib.
Xatırladaq ki, 2023-cü il mayın 30-da Azərbaycan razılığını bildirdikdən sonra Türk dövlətlərinin iqtisadi inteqrasiyasını təmin etmək məqsədilə Türkiyə, Azərbaycan, Qazaxıstan, Özbəkistan və Qırğızıstanın üzv olduğu "Türk İnvestisiya Fondu"-nun yaradılması üzv dövlətlər və Türk Dövlətləri Təşkilatı rəhbərliyi tərəfindən təsdiqlənib.
