Bakı. TurkicWorld:
Türkiyənin "tam müstəqil müdafiə sənayesi" hədəfinə töhfə verən STM müdafiə texnologiyaları Mühəndislik və Ticarət tərəfindən tamamilə yerli və milli imkanlarla inkişaf etdirilən və ictimaiyyət arasında "Kamikaze PUA" kimi tanınan sabit qanadlı milli zərbə PUA sistemi ALPAGU ilk dəfə ixrac edilib.
TurkicWorld-un məlumatına görə, bu barədə STM baş direktoru Özgür Güleryüz məlumat verib.
"ALPAGU-nun sursat sınaq atışları da daxil olmaqla, bütün sahə sınaqları müvəffəqiyyətlə tamamlanıb. Sözügedən ölkəyə artıq ilk tədarüklər edilib. Beləliklə, Türkiyədə inventara daxil olmadan ixrac uğuru əldə edən milli texnologiyalara bir yenisi əlavə olundu. STM dünyada və Türkiyədə taktiki mini PUA istehsalında qabaqcıl olmaqla, hər zaman daha da təkmilləşir",- deyə baş direktor qeyd edib.
ALPAGU-nun xüsusiyyətləri:
Köhnə türkcədə "düşmənə tək hücum edən cəsur adam" mənasını verən ALPAGU yüngül quruluşu, dalış sürəti, yüksək manevr qabiliyyəti, aşağı radar kəsiyi və sürəti ilə seçilir.
Terrorla mübarizə əməliyyatlarında, transsərhəd əməliyyatlarda və yaşayış məskənlərində qarşıdurmalarda fəal şəkildə istifadə oluna bilən ALPAGU, 10 kilometr uçuş məsafəsinə malikdir. Elektro-optik və infraqırmızı kameraları ilə gecə və gündüzdən asılı olmayaraq effektiv fəaliyyət göstərə bilir.
Başlatma qurğusundan buraxıldıqdan sonra təxminən 15 dəqiqə uçan ALPAGU kritik proqram təminatı vasitəsilə hədəfi uğurla izləyə bilir.
Elektron yaxınlıq qoruyucusu və tərk etmə və ya özünü məhv etmə qabiliyyətinə malik olan ALPAGU, tək bir əsgər tərəfindən asanlıqla daşına və bir dəqiqə ərzində qurularaq vəzifə sahəsində istifadə edilə bilər.
ALPAGU bu xüsusiyyətləri ilə yanaşı, süni intellekt və görüntü emal imkanları, səssizliyi və daşıdığı partlayıcını hədəfə çatdırma qabiliyyəti ilə də seçilir. ALPAGU üstün imkanları ilə yanaşı, quru, dəniz və hava nəqliyyat vasitələrinə inteqrasiyası kimi xüsusiyyətləri ilə də rəqiblərindən fərqlənir. Dörd ALPAGU tək yerüstü idarəetmə stansiyası vasitəsilə eyni hədəfə və ya fərqli hədəflərə eyni vaxtda hücum edə bilər.
Dünyada ALPAGU-ya bənzər, çəkisi iki kiloqramdan az olan cəmi iki platforma var. STM mühəndisləri tərəfindən hazırlanmış missiya kompüteri və uçuş idarəetmə sistemi ilə tamamilə avtonom naviqasiya edən ALPAGU, "döngüdə adam" prinsipi ilə tamamilə operatorun nəzarəti altında olan hədəfləri aşkar edir və məhv edir.
STM ALPAGU-nun daha böyük, sürətli və uzunmənzilli, daha çox partlayıcı daşıya bilən versiyası olan Smart Loitering Sursat Sistemi, ALPAGU-nun yaradılması işləri STM-ROKETSAN ilə əməkdaşlıqda uğurla davam edir.
Aytac Süleymanova
Twitter: a_alieva_
