Bakı. TurkicWorld:
Türkiyənin Müdafiə Sənayesi və Türk Aerokosmik Sənayesi (TUSAŞ) arasında imzalanan müqavilə çərçivəsində hazırlanan Gökbey helikopteri 1 milyard dollarlıq ixracat həyata keçirə bilər.
TurkicWorld xəbər verir ki, bu barədə TUSAŞ-ın direktoru Temel Kotil bildirib.
Məlumata əsasən, 1 milyard dollarlıq ixrac təklifi üçün 32 ədəd Gökbey helikopteri nəzərdə tutulub, lakin təklifin hansı ölkədən edildiyi açıqlanmayıb.
T.Kotil onu da bildirib ki, GÖKBEY-in sınaq uçuşları davam edir.
Qeyd edək ki, 2013-cü ildə Türkiyənin Müdafiə Sənayesi və Türk Aerokosmik Sənayesi (TUSAŞ) arasında ümumi məqsədli helikopterin yaradılması barədə müqavilə imzalanıb.
Helikopterin ilk uçuşu 6 sentyabr 2018-ci ildə uğurla həyata keçirilib.
Ləman Əsədli
Twitter: Lamanasadli01
