...

Azərbaycan XİN: Türkiyəyə qarşı terror hücumlarını qətiyyətlə qınayırıq

Siyasət Digər xəbərlər 21 Noyabr 2022 17:50
TurkicWorld Daspina Hasanova
Azərbaycan XİN: Türkiyəyə qarşı terror hücumlarını qətiyyətlə qınayırıq

Bakı. TurkicWorld:

Azərbaycan Xarici İşlər Nazirliyi (XİN) Türkiyənin Qaziantep vilayətinə raket hücumu nəticəsində insan tələfatı ilə əlaqədar başsağlığı verib.

TurkicWorld-un məlumatına görə, bu barədə bazar ertəsi Azərbaycan XİN-in rəsmi "Twitter" hesabında bildirilib.

“Qardaş Türkiyənin Qaziantep vilayətinin Qarqamış şəhərində məktəb də daxil mülki əhalinin yaşadığı ərazilərə xain raket hücumu nəticəsində həlak olan insanlara Allahdan rəhmət, yaralılara şəfa diləyirik. Türkiyəyə qarşı terror hücumlarını qətiyyətlə qınayırıq!”, - deyə paylaşımda qeyd olunub.

Qeyd edək ki, Türkiyənin cənub-şərqindəki Qaziantep vilayətində, Suriya ilə sərhəddə yerləşən Karkamış şəhərinə raket zərbələri endirilib. Hadisə nəticəsində 2 nəfər həlak olub, 6 nəfər isə yaralanıb.

Məqalədə:
Xəbərlər

Xəbər lenti