Bakı. TurkicWorld:
Fransanın “La Gazette” xəbər portalı Azərbaycanın 100-ə qədər Ermənistan hərbçisinin cəsədini birtərəfli qaydada qarşı tərəfə təhvil verməyə hazır olduğu barədə məqalə dərc edib.
TurkicWorld-un məlumatına görə, məqalədə bildirilib ki, artıq Azərbaycan tərəfi bununla əlaqədar Beynəlxalq Qızıl Xaç Komitəsini də məlumatlandırıb.
“Azərbaycan Respublikası beynəlxalq humanitar hüquqa və humanizm dəyərlərinə sadiqliyini nümayiş etdirərək Ermənistanı atəşkəsə çağırır və cari ilin 12-13 sentyabr tarixlərində ölkəmizin ərazi bütövlüyünə qarşı təxribatın qarşısının alınması nəticəsində həlak olmuş 100-ə qədər Ermənistan hərbçisinin cəsədini birtərəfli qaydada qarşı tərəfə təhvil verməyə hazır olduğunu bildirir”, - deyə məqalədə Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasının yaydığı bəyanata istinadən vurğulanıb.
