Türkiyə Avropa İttifaqının (Aİ) 25 üzv ölkəsinə, Avropa İttifaqının beynəlxalq məsələlər və təhlükəsizlik siyasəti üzrə ali nümayəndəsi Jozef Borrelə, BMT Təhlükəsizlik Şurasının daimi üzvlərinə, NATO-nun baş katibi Yens Stoltenberqə, BMT-nin baş katibi Antonio Qheterreşə Ankaranın Egey dənizində problemlərin həlli ilə bağlı mövqeyini əks etdirən məktub göndərib.

Trend xəbər verir ki, Türkiyənin xarici işlər naziri Mövlud Çavuşoğlunun imzaladığı məktubda Yunanıstanın qeyri-qanuni hərəkətlərinə və maksimalist tələblərinə diqqət çəkilib.

Məktubda Egey dənizində ərazi sularının və milli hava məkanının genişliyi, kontinental şelf və ərazi sularının məhdudlaşdırılması, şərq adalarının qeyri-hərbi statusunun pozulması kimi bir sıra bir-biri ilə əlaqəli problemlərin olduğu bildirilir.

Egey dənizində mövcud beynəlxalq müqavilələrin təsiri altına düşməyən və Yunanıstanın suverenliyinə daxil olmayan böyük və kiçik, qayaların olduğu vurğulanır. SAR, FIR və NAVTEX xidmət sahələri ilə bağlı suallar da var.

Türkiyə hesab edir ki, Egey dənizi ilə bağlı məsələlər iki ölkənin əsas hüquq və qanuni maraqlarının qarşılıqlı tanınması ilə beynəlxalq hüquq çərçivəsində həll edilə bilər.

Türkiyənin dialoq və əməkdaşlıq tərəfdarı mövqeyinə baxmayaraq, Yunanıstan gərginliyi artıraraq və Aİ-ni Egey dənizinin problemlərinin bir hissəsinə çevirərək bundan yayınır.