Qazaxıstan prezidenti Kasım-Jomart Tokayev ölkədə bu ilin payızında növbədənkənar prezident seçkilərinin keçirilməsini təklif edib.
Trend-in məlumatına görə, o bu barədə Qazaxıstan xalqına müraciətində deyib.
"Məlum olduğu kimi, növbəti prezident seçkiləri 2024-cü, parlament seçkiləri 2025-ci ildə keçiriləcək. Bu ilin payızında növbədənkənar prezident seçkilərinin keçirilməsini təklif edirəm", - deyə o bildirib.
K.Tokayev, həmçinin prezidentin səlahiyyət müddətinin 7 ilədək artırılmasını təklif edib.
Qeyd edək ki, Kasım-Jomart Tokayev 2019-cu ilin martında Qazaxıstan prezidenti seçilib.
