Bakı. TurkicWorld:
Ukraynanı 20 minə yaxın azərbaycanlı tərk edib.
TurkicWorld-un məlumatına görə, bunu Azərbaycan xarici işlər naziri Ceyhun Bayramov ATƏT-in fəaliyyətdə olan sədri, Polşa Respublikasının xarici işlər naziri Zbiqnev Rau ilə birgə mətbuat konfransında deyib.
Nazir bildirib ki, 4 minə yaxın azərbaycanlı məhz Polşa ərazisinə keçməklə Ukraynanı tərk edib. “Buna yaratdığı şəraitə görə Polşa tərəfinə təşəkkürümüzü bildiririk”, - deyə nazir qeyd edib.
