Bakı. TurkicWorld:
Azərbaycanın Ukraynaya yeni təyin olunmuş səfiri Seymur Mərdəliyev etimadnaməsinin surətini Ukraynanın xarici işlər nazirinin müavini Yevgeni Perebiynisə təqdim edib.
TurkicWorld xəbər verir ki, bu barədə Azərbaycanın Ukraynadakı Səfirliyinin "Twitter"dəki paylaşımında deyilir.
"2023-cü il iyunun 9-da Azərbaycan Respublikasının Ukraynaya yeni təyin olunmuş fövqəladə və səlahiyyətli səfiri Seymur Mərdəliyev etimadnaməsinin surətini Ukrayna xarici işlər nazirinin müavini Yevgeni Perebiynisə təqdim edib", - deyə paylaşımda bildirilir.
