...

Rusiya Xarici İşlər Nazirliyi Nikol Paşinyanın yalanlarını təkzib edib

Digər dövlətlər Digər xəbərlər 16 Mart 2023 20:40
TurkicWorld Hafiz Rufizoğlu
Rusiya Xarici İşlər Nazirliyi Nikol Paşinyanın yalanlarını təkzib edib

Bakı. TurkicWorld:

Rusiya, Azərbaycan və Ermənistan liderlərinin üçtərəfli bəyanatında Rusiyanın bütün öhdəlikləri aydın şəkildə ifadə olunub.

TurkicWorld-un məlumatına görə, bunu cümə axşamı həftəlik brifinqdə Rusiya Xarici İşlər Nazirliyinin mətbuat xidmətinin rəhbəri Mariya Zaxarova Ermənistanın baş naziri Nikol Paşinyanın Rusiya Federasiyasının Qarabağ əhalisinin və mülki infrastrukturun təhlükəsizliyində qarant rolunu öz üzərinə götürməsi ilə bağlı son bəyanatlarını şərh edərkən deyib.

"Mənə elə gəlir ki, xəyal qurmağa çalışmaq lazım deyil. Ölkəmizin bütün öhdəlikləri Rusiya Federasiyası, Azərbaycan və Ermənistan liderlərinin üçtərəfli bəyanatında aydın şəkildə ifadə olunub. Sadəcə olaraq, bu sənədi açın və görün ki, bizim ölkəmiz hansı öhdəlikləri daşıyır və Rusiya sülhməramlıları gərginliyin qarşısını almaq, vəziyyəti sabitləşdirmək üçün əllərindən gələni edirlər", - o deyib.

Məqalədə:
Xəbərlər

Xəbər lenti