Bakı. TurkicWorld:
Ermənistan və Pakistanın xarici işlər nazirləri Ararat Mirzoyan və İshaq Dar bazar günü diplomatik münasibətlərin qurulmasına dair birgə kommünike imzalayıblar.
TurkicWorld-un məlumatına görə, bu barədə Ermənistan Xarici İşlər Nazirliyinin mətbuat xidməti bildirib.
Məlumata əsasən, mərasim Tiencin şəhərində ŞƏT sammiti çərçivəsində baş tutub.
Tərəflər BMT Nizamnaməsinin prinsipləri - suverenliyə hörmət, müdaxilə etməmək və dinc yanaşı yaşamaq prinsipləri əsasında əməkdaşlığı inkişaf etdirmək niyyətlərini təsdiqləyiblər. Tərəflər həmçinin 1961-ci il Vyana Konvensiyasına uyğun olaraq nümayəndələrin mübadiləsi və qarşılıqlı dəstəyin göstərilməsi barədə razılığa gəliblər.
