Bakı, TurkicWorld
Müdafiə xərclərində 2 faizlik hədəfi qaldıracağıq.
TurkicWorld xəbər verir ki, bu barədə NATO-nun baş katibi Yens Stoltenberq "Müdafiə Sənayesi Forumu"nda çıxış edib.
O, alyans üzvlərinin Ümumi Daxili Məhsullarının 2 faizindən çoxunu müdafiəyə sərf etməli olduqlarını bəyan edib.
Tarixin ən uğurlu ittifaqının 75-ci ildönümünü qeyd etdiklərini bildirən Stoltenberq sammit çərçivəsində NATO-nun gələcəyi ilə bağlı mühüm qərarlar verəcəklərini vurğulayıb.
Stoltenberq NATO-nun əsas missiyaları olan Ukraynaya dəstək, tərəfdaşlıqların gücləndirilməsi, müdafiə və çəkindirmə ilə bağlı addımlar atacaqlarına diqqət çəkib.
“NATO-nun əsas məqsədi çəkindirici gücü ilə müharibənin qarşısını almaq və sülhü qorumaqdır” – deyə o qeyd edib.
Stoltenberq Rusiya-Ukrayna müharibəsinin ehtiyatların və istehsal gücünün yetərli olmadığını göstərməklə yanaşı, müttəfiqlərin birgə hərəkət etmə imkanlarında ciddi problemlərin olduğunu da ortaya çıxardığını bildirib.
Hafiz Rufizoğlu