Bakı. TurkicWorld:

Qurani-Kərimə hücum edən Salvan Momikanın ölü tapıldığı iddia edilir.

TurkicWorld AzerVoice-ə istinadən xəbər verir ki, Salvan Momikanın sığınacaq aldığı Norveçdə ölü tapıldığı iddia edilib.

Xatırladaq ki, Salvan Momika iyunun 28-də paytaxt Stokholmda Qurban bayramının ilk gününə təsadüf edən Stokholm məscidinin qarşısında polisin mühafizəsi altında Qurani-Kərimi yandırıb.

Momika iyulun 20-də Stokholmdakı İraq səfirliyi qarşısında, iyulun 31-də və 14-də isə İsveç parlamentinin qarşısında polisin mühafizəsi altında Qurani-Kərimi və İraq bayrağını tapdalayıb. O, avqustun 24-də Stokholm məscidinin qarşısında Quranı yenidən yandırıb.

Sentyabrın 3-də Malmö şəhərində Momikanın polisin himayəsi altında Quranı yandırması və ona mane olmağa çalışan 15 nəfərin saxlanması ilə bağlı etirazlar təşkil edilib.

Momika sonuncu dəfə oktyabrın 21-də Stokholmun mərkəzində Quran və Fələstin bayrağını yandıraraq İsrailə dəstək aksiyası keçirib.

Hafiz Rufizoğlu