Bakı. TurkicWorld:
Qəzzada ölənlərin sayı 14 min 854-ə yüksəlib.
TurkicWorld-un məlumatına görə, bu barədə Qəzza zolağındakı hökumətin Media Ofisindən yazılı açıqlama verilib.
Açıqlamaya görə, İsrailin 7 oktyabrdan bəri Qəzzada həyata keçirdiyi hücumlarda ölənlərin sayı 6 min 150-dən çoxu uşaq, 4 mindən çoxu qadın olmaqla 14 min 854-ə yüksəlib.
Hücumlarda yaralananların sayı 36 mini keçib ki, onların da 75 faizi qadın və uşaqlardır.
İsrailin hücumları zamanı cəsədləri dağılmış binaların dağıntıları altında və ya küçələrdə qalan 4 min 700-dən çoxu qadın və uşaq olmaqla, təxminən 7 min insan itkin düşüb.
Hafiz Rufizoğlu
