Bakı,TurkicWorld
UEFA, Avropa Liqası çərçivəsində Türkiyənin Beşiktaş klubu ilə İsrailin Makkabi Tel-Əviv komandası arasında keçiriləcək oyunla bağlı açıqlama verib.
TurkicWorld xəbər verir ki, qarşılaşma neytral bir ölkədə oynanacaq.
"Beşiktaş – Makkabi Tel-Əviv oyunu 28 noyabr 2024-cü il tarixində neytral meydanda oynanılacaq. UEFA Beşiktaşla alternativ neytral məkanla bağlı danışıqlar aparır və yaxın vaxtlarda açıqlanacaq",- deyə UEFA-dan bildirilib.
Qeyd edək ki, mövzü ilə bağlı klub da açıqlama vermişdir:
"Komandamız ilə Makkabi Tel-Əviv arasında oynanılması planlaşdırılan UEFA Avropa Liqası matçı ilə bağlı UEFA ilə lazımi yazışmalar aparılsa da, lazımi icazələr alınsa da, Beşiktaş - Makkabi Tel-Əviv oyunu neytral ölkədə keçiriləcək. İnanırıq ki, Beşiktaş azarkeşləri bu prosesdə ölkəmizi və Beşiktaşı çətin vəziyyətə salmaq məqsədi daşıyan hər hansı təxribatçı hərəkətlərə qarşı öz böyüklüyünə yaraşan həssaslıq nümayiş etdirəcək".
