Bakı. TurkicWorld:

İsrailin Qəzzada keçirdiyi hərbi əməliyyatların fonunda, Tel-Əvivə qarşı beynəlxalq təzyiqlərin artacağı istisna edilmir.

TurkicWorld xəbər verir ki, bu sözləri Trend BİA-nın direktor müavini, "Türk Dünyası" (Turkic.World) media platformasının rəhbəri, siyasi şərhçi Rufiz Hafizoğlu ARB 24-ə açıqlamasında deyib.

R.Hafizoğlu qeyd edib ki, intensiv hərbi əməliyyatların aparılmasına baxmayaraq İsrail hədəflərinə nail ola bilməyib, əksinə hərbi əməliyyatlar nəticəsində 16 min dinc insanın ölməsi İsrailin beynəlxaq nüfuzuna ciddi xələl gətirib.

“Münaqişənin davam etməsi ilk növbədə dinc insanların itkisinə səbəb olur. Artıq İsrail daxilində də Qəzzada keçirilən hərbi əməliyyatlara qarşı kəskin etiraz səsləri eşidilir”,-deyə o vurğulayıb.