Bakı. TurkicWorld:
İsrail-Fələstin münaqişəsində Qərbin ikili standartlarının şahidi oluruq.
TurkicWorld xəbər verir ki, bu sözləri Trend BİA-nın baş direktorunun müavini, "Türk Dünyası" (Turkic.World) media platformasının rəhbəri, siyasi şərhçi Rufiz Hafizoğlu BAKU TV-ə açıqlamasında deyib.
R.Hafizoğlu onu da vurğulayıb ki, Türkiyə Fələstinə Ərəb dövlətlərindən gözlədiyimizdən daha çox dəstək oldu.
“İlk mərhələdə Türkiyə İsrail-Fələstin məsələsində tərəfləri təmkinli davranmağa dəvət etsə də sonrakı mərhələdə prezident Rəcəb Tayyib Ərdoğan hətta Ərəb dövlətlərinin göstərmədiyi qədər daha sərt mövqe sərgilədi”, – deyə o qeyd edib.
Ekspertin sözlərinə görə, İsrail HƏMAS-ı məğlub etsə belə, Qəzzada hakimiyyəti ələ ala bilməsi mümkün deyil.
“İsrail Qəzza zolağından zorla əhalini çıxardıqdan sonra hərbi əməliyyatlar başladaraq beynəlxalq güclərdən ibarət gücləri gətirməyi planlayır. Lakin Qəzzada HƏMAS-ın tam məhvi mümkün deyil”, – deyə R.Hafizoğlu əlavə edib.
