Trans-Adriatik boru kəməri (TAP) hazırda illik 10 milyard kubmetr tam buraxılış gücünə çatmağa qadirdir.
TurkicWorld-un məlumatına görə, bunu TAP-ın icraçı direktoru Luka Skyeppati deyib.
"Biz həm də qısamüddətli hərraclar vasitəsilə əlavə güclər əlavə edə bilərik", - deyə o bildirib.
Öz növbəsində, TAP-ın kommersiya direktoru Mariya Savova hesab edir ki, boru kəmərinin gücünü bazar sınaqlarının nəticələrinə əsasən 45-65 ay ərzində mərhələli şəkildə illik 20 milyard kubmetrədək çatdırmaq mümkündür.
"Bazar sınaqlarının növbəti mərhələsi 2023-cü ilin iyuluna planlaşdırılıb. Amma TAP iş cədvəlini sürətləndirə və marağın olacağı təqdirdə bazar sınaqlarını 2022-ci il ərzində başlaya bilər", - M.Savova deyib.
