Bakı. TurkicWorld:
Böyük Britaniya XİN-in Avropa və Şimali Amerika üzrə naziri Leo Dokerti Dövlət Gömrük Komitəsinin Kinoloji Mərkəzi ilə tanış olub.
TurkicWorld-un məlumatına görə, bu barədə Dövlət Gömrük Komitəsinin sədri Şahin Bağırov tvitter hesabında paylaşım edib.
"Ölkələrimizin gömrük orqanları arasında əlaqələrin, narkotiklərin qanunsuz dövriyyəsinə qarşı mübarizədə birgə əməkdaşlığın perspektivlərindən söhbət açdıq", - deyə Ş.Bağırov qeyd edib.
Qeyd edək ki, Böyük Britaniyanın Xarici İşlər Nazirliyinin Avropa və Şimali Amerika üzrə naziri Leo Dokerti fevralın 22-dən Azərbaycanda səfərdədir. Nazir Azərbaycanda bir sıra rəsmi görüşlər keçirib.
