Bakı. TurkicWorld:
2024-cü ilin yanvar-mart aylarında Türkiyənin Qırğızıstana tekstil və tekstil üçün xammadə ixracı 2023-cü ilin eyni ayı ilə müqayisədə 51,2 faiz azalaraq, 16,9 milyon dollara bərabər olub.
Bu barədə TurkicWorld-a Türkiyə Ticarət Nazirliyindən bildiriblər.
"2024-cü ilin mart ayında Türkiyə Qırğızıstana 7,2 milyon dollar məbləğində tekstil və tekstil üçün xammadə ixrac edib ki, bu da ötən ilin eyni dövri ilə müqayisədə 34,6 faiz azdır", - deyə nazirlikdən bildirilib.
Qeyd edək ki, 2024-cü ilin yanvar-mart aylarında Türkiyənin tekstil və tekstil üçün xammadə ixracı ötən ilin eyni dövrü ilə müqayisədə 0,6 faiz azaldaraq 2,4 milyard dollara bərabər olub.
Bu ilin mart ayında Türkiyə 818 milyon dollar məbləğində tekstil və tekstil üçün xammadə ixrac edib ki, bu da keçən ilin mart ayı ilə müqayisədə 9,1 faiz azdır.
Qeyd olunub ki , son 12 ay ərzində (mart 2023-mart 2024) Türkiyə 10,7 milyard dollar məbləğində tekstil və tekstil üçün xammadə ixrac edib.
