BAKI,TurkicWorld,Yusif Şərifzadə
ABŞ Prezidenti Donald Tramp Demokratları İranla müharibədə ölkənin məğlub olmasını arzulamaqda ittiham edib. O, siyasi rəqiblərinin Ağ Evin bu münaqişədə qələbə qazanmasını istəmədiyini iddia edib.
TurkicWorld xəbər verir ki, Donald Tramp Demokratların “Amerika uğrunda müharibədə” administrasiyasının qalib gəlməsini deyil, əks nəticənin baş verməsini üstün tutduqlarını bildirib.
Trampın sözlərinə görə, siyasi sol qüvvələr ABŞ-nin İranla qarşıdurmadan qalib çıxmasını istəmir.
İran müharibəsi fonunda Trampın Respublikaçılar Partiyası noyabrda keçiriləcək aralıq seçkilərə yüksək ərzaq və yanacaq qiymətləri şəraitində hazırlaşır.
Son sorğular göstərir ki, müharibə və iqtisadi vəziyyət Tramp administrasiyasına ictimai dəstəyə təsir edib.
“Pew Research” araşdırmasına görə, ötən ay Trampın fəaliyyətini bəyənən amerikalıların göstəricisi 34 faizə enib.
Sorğuda iştirak edənlərin əksəriyyəti ABŞ-nin İranla müharibəsini dəstəkləmədiyini bildirib.
