BAKI,TurkicWorld,Yusif Şərifzadə
ABŞ və İsrailin 2026-cı ilin fevral ayının sonlarında İrana qarşı başladığı hərbi əməliyyatlardan sonra qlobal enerji sektorunda ciddi dəyişikliklər baş verib.
TurkicWorld xəbər verir ki, ABŞ ilə İran arasında davam edən danışıqların uzunmüddətli sülhlə nəticələnəcəyi barədə gözləntilər neft və təbii qaz bazarlarında sabitliyin bərpa olunacağına ümid yaratsa da, müharibənin enerji sektorunda yaratdığı dəyişikliklərin qalıcı olacağı bildirilir.
Enerji sahəsi üzrə mütəxəssislərin fikrincə, münaqişə qlobal enerji bazarının fəaliyyət prinsiplərini dəyişdirib və bu dəyişikliklərin bir hissəsi uzunmüddətli, hətta daimi xarakter daşıya bilər.
Ekspertlər hesab edirlər ki, enerji təchizatı marşrutları, ixrac siyasəti, investisiya qərarları və enerji təhlükəsizliyi ilə bağlı yanaşmalar əvvəlki dövrlə müqayisədə əhəmiyyətli dərəcədə fərqlənəcək.
