BAKI, TurkicWorld
ABŞ də, İran da Yaxın Şərqdə yeni bir müharibədən heç bir fayda əldə etməyəcək, belə bir ssenari isə bütün regionda sabitliyi pozacaq.
TurkicWorld xəbər verir ki, bunu İslam Respublikasının Prezidenti Məsud Pezeşkian Misir Prezidenti Əbdülfəttah əs-Sisi ilə telefon danışığı zamanı deyib.
Onun sözlərinə görə, İran İslam Respublikası heç vaxt müharibəyə meyilli olmayıb və hazırda da deyil, çünki müharibənin nə İranın, nə ABŞ-nin, nə də regionun maraqlarına uyğun olmadığını qəti şəkildə hesab edir.
Pezeşkian, həmçinin Vaşinqtonun Tehranı təzyiq və güc yolu ilə danışıqlara cəlb etməyin mümkünsüzlüyünü artıq dərk etdiyinə ümidvar olduğunu bildirib. O vurğulayıb ki, İran İslam Respublikasının ərazisinə qarşı istənilən təcavüz və ya hücum sərt və adekvat cavabla üzləşəcək, lakin İran problemlərin həllini diplomatik müstəvidə axtarmaqda davam edir.
