BAKI, TurkicWorld, Orxan Qədirzadə
ABŞ Prezidenti Donald Tramp İran, Böyük Britaniya və Kubaya xəbərdarlıq edib.
TurkicWorld xəbər verir ki, ABŞ Prezidenti İranla bağlı açıqlamasında bölgəyə yönələn “güclü” hərbi gəmilərin olduğunu vurğulayıb və onların tətbiqinə ehtiyac qalmamasına ümid etdiyini deyib. Tramp İran rəhbərliyinə nüvə silahı istiqamətində addımları dayandırmaq və etirazçılara qarşı zorakılığın sonlandırılması ilə bağlı mesaj verdiyini qeyd edib.
Böyük Britaniya mövzusunda isə Tramp Londonun Çinlə yeni əməkdaşlıq planlarının təhlükəli nəticələr doğura biləcəyini bildirib. Bu açıqlama Böyük Britaniya hökumətinin Çinlə iqtisadi əlaqələri genişləndirmək niyyətinin müzakirə olunduğu günlərdə səslənib.
Kuba ilə bağlı bəyanatda Tramp adanı “uğursuz dövlət” kimi xarakterizə edib və Kubanın yaxın perspektivdə “yaşaya bilməyəcəyini” iddia edib. Paralel olaraq, ABŞ administrasiyası Kubaya neft satan və ya təmin edən ölkələrdən idxal olunan mallara tarif tətbiqini nəzərdə tutan sərəncamın icrasını gündəmə gətirib.
