BAKI, TurkicWorld, Nailə Babazadə
Ukrayna Prezidenti Volodimir Zelenski bildirib ki, yaxın gələcəkdə ABŞ Prezidenti Donald Tramp ilə görüşmək üçün ABŞ tərəfi ilə razılığa gəliblər.
TurkicWorld xəbər verir ki, Zelenski sosial media hesabında yazıb ki, Ukrayna-Rusiya münaqişəsini sona çatdırmaq üçün hazırladıqları sülh planı üzərində işlər davam edir.
Zelenski Ukrayna Milli Təhlükəsizlik və Müdafiə Şurasının katibi Rüstəm Umerovun ABŞ tərəfi ilə aparılan danışıqları davam etdirdiyini bildirib.
"Umerov, son görüşlər haqqında məlumat verdi. Bir gün belə itirmirik. Yaxın gələcəkdə Prezident Tramp ilə ən yüksək səviyyədə görüş keçiriləcək. Yeni ilə qədər bir çox məsələlər həll edilə bilər." - deyə Zelenski qeyd edib.
