BAKI, TurkicWorld, Orxan Qədirzadə
İordaniya ABŞ-ın rəhbərlik etdiyi koalisiya çərçivəsində Suriyada İŞİD mövqelərinə qarşı keçirilən hərbi əməliyyatda iştirak etdiyini açıqlayıb. İordaniya Kral Hərbi Hava Qüvvələrinin cümə günü baş tutan zərbələrə cəlb olunduğu bildirilib.
TurkicWorld xəbər verir ki, ABŞ ordusunun məlumatına görə, əməliyyat Suriyanın mərkəzi bölgələrində İŞİD-in dayaq məntəqələrinə yönəlib və ABŞ hərbçilərinə qarşı edilən hücuma cavab xarakteri daşıyıb.
İordaniyanın dövlət agentliyi Petra News Agency bildirib ki, Suriya hökuməti də bu koalisiyaya qoşulub.
ABŞ Mərkəzi Komandanlığının (CENTCOM) açıqlamasında bildirilib ki, əməliyyat qırıcı təyyarələr, hücum helikopterləri və artilleriya vasitələri ilə aparılıb, 70-dən çox hədəf vurulub. Hədəflər əsasən İŞİD-in infrastruktur və silah obyektləri olub.
