BAKI, TurkicWorld
Tramp administrasiyası Harvard Universitetinə ayrılan 2,2 milyard dollarlıq vəsaiti dondurub.
TurkicWorld xəbər verir ki, ABŞ-ın keçmiş prezidenti Donald Trampın administrasiyası Harvard Universitetinə ayrılan 2,2 milyard dollarlıq maliyyəni onun tələblərinə əməl etmədiyi üçün dondurub.
Qərar, universitetin Fələstin tərəfdarı etirazlara sərt mövqe nümayiş etdirməməsi və müxtəliflik, bərabərlik və inklüzivlik proqramlarına yenidən baxmaqdan imtina etməsi fonunda verilib.
ABŞ Təhsil Departamenti, Harvardla yanaşı, Kolumbiya və Pensilvaniya Universitetləri də daxil olmaqla bir neçə ali təhsil müəssisəsinə qarşı araşdırma başladıb. Bu araşdırma 8,7 milyard dollardan çox federal qrantların "vətəndaş hüquqları qanunlarına uyğun şəkildə istifadə olunub-olunmadığını" qiymətləndirmək məqsədi daşıyır.
Qeyd edək ki, Tramp administrasiyası Kolumbiya Universitetini 400 milyon dollarlıq vəsaiti itirməmək üçün hökumət tələblərinə əməl etməyə məcbur edib. Pensilvaniya Universitetinə (UPenn) isə keçən ay transseksual idmançının iştirakı səbəbilə ayrılan 175 milyon dollarlıq federal maliyyə dayandırılıb. Harvard Universitetinin professorları isə maliyyənin dondurulmasına etiraz olaraq məhkəməyə müraciət ediblər.
