BAKI, TurkicWorld
ABŞ ilə münasibətlər yaxşı istiqamətdə irəliləyir.
TurkicWorld xəbər verir ki, Kremlin sözçüsü Dmitri Peskov Rusiya-ABŞ münasibətləri ilə bağlı müsbət mesajlar verib.
O bildirib ki, iki ölkə arasındakı əlaqələr çətinliklərə baxmayaraq yaxşı istiqamətdə inkişaf edir. “Münasibətlərin canlandırılması böyük səbr və diplomatik səylər tələb edir. Biz kiçik, lakin mühüm addımlarla qarşılıqlı etimadı bərpa etməyə çalışırıq” - deyə o bildirib.
Peskov qeyd edib ki, Vaşinqtonla təmaslar Rusiya Xarici İşlər Nazirliyi və kəşfiyyat xidmətləri vasitəsilə davam etdirilir. O əlavə edib ki, diplomatik nümayəndəliklərin fəaliyyəti ilə bağlı texniki və siyasi səviyyədə bir çox detallar nəzərdən keçirilir.
ABŞ-la münasibətlərə kölgə salan keçmiş problemlərə də toxunan Peskov, əvvəlki ABŞ rəhbərliyinin siyasətinin bu günkü çətinliklərə səbəb olduğunu deyib. “Biz səbirlə münasibətləri normallaşdırmağa doğru gedirik, lakin atılmalı çoxlu addımlar var”- deyə o qeyd edib.
Eyni zamanda, Kremlin sözçüsü Vladimir Putin və Donald Tramp arasında görüşün gec-tez mümkünlüyünü və buna hazır olduqlarını da istisna etməyib.
Qeyd edək ki, Rusiya və ABŞ arasında son illər baş verən siyasi və diplomatik gərginliklər münasibətləri ciddi şəkildə sarsıtmışdı. Lakin son açıqlamalar iki tərəfin dialoq yolunu açıq saxladığını göstərir.
