Bakı. TurkicWorld
İran hökuməti Livanın "Hizbullah" hərəkatının baş katibi Həsən Nəsrullahın xatirəsinə 5 günlük matəm elan edib.
TurkicWorld-in məlumatına görə, bu barədə İran hökumətinin mətbuat xidməti bildirib.
"Bazar günündən <...> bütün ölkədə ümummilli beş günlük matəm elan edilir", - deyə qeyd olunub.
Qeyd edək ki, İsrail Müdafiə Ordusu və İsrail Təhlükəsizlik Orqanları bundan öncə bildiriblər ki, İsrail hava qüvvələrinin (İAF) döyüş təyyarələri Beyrutun Dahiya bölgəsində yaşayış binasının altında yerləşən "Hizbullah" təşkilatının Mərkəzi Qərargahına hədəfli zərbə endirib. Zərbə nəticəsində "Hizbullah" təşkilatının lideri Həsən Nəsrullah və təşkilatın digər komandirləri həlak olublar.
