Bakı. TurkicWorld:

Bir sıra OPEC+ ölkələri neft hasilatının əlavə könüllü azaldılması üçün tədbirlərin 2024-cü ilin ikinci rübünə qədər uzadıldığını açıqlayıb.

TurkicWorld-un məlumatına görə, belə ki, Səudiyyə Ərəbistanı hasilatın azaldılmasını sutkada 1 milyon barel, BƏƏ - 163 min barel, Küveyt - 135 min barel, Qazaxıstan - 82 min barel, Əlcəzair - 51 min barel, Oman - 45 min barel həcmində iyun ayına qədər uzadıb.

Bundan əlavə, Rusiya ikinci rübdə neft hasilatı və ixracının üç ay ərzində gündəlik orta hesabla 471 min barel azaldığını açıqlayıb. İraq həmçinin könüllü hasilatın azaldılması tədbirlərinin ikinci rübdə uzadıldığını açıqlayıb. Birinci rübdə ölkə onu 223 min barel/gün həcmində azaldıb.

Birinci rübdə könüllü hasilatın azaldılmasına əməl edən bütün OPEC+ ölkələri bu tədbirləri iyun ayına qədər uzadıb.