Bakı. TurkicWorld:

Türkmənistan Avropa İttifaqı ilə dialoqun gücləndirilməsinə böyük əhəmiyyət verir.

TurkicWorld-un məlumatına görə, Türkmənistan prezidenti Sərdar Berdiməhəmmədov BMT Baş Assambleyasının 78-ci sessiyası çərçivəsində Nyu-Yorkda Avropa İttifaqının prezidenti Çarlz Mişel ilə görüşüb.

Prezident Sərdar Berdiməhəmmədov qeyd edib ki, Türkmənistan Aİ ilə dostluq əlaqələrinin və konstruktiv dialoqun möhkəmləndirilməsinə böyük önəm verir və bu, ildən-ilə genişlənir və əməkdaşlığın yeni sahələrini əhatə edir.

Görüş zamanı Türkmənistanın beynəlxalq strukturla həm ikitərəfli formatda, həm də “Avropa İttifaqı – Mərkəzi Asiya” Dialoqu çərçivəsində uğurla əməkdaşlıq etdiyi vurğulanıb.

Eyni zamanda, Avropanın aparıcı şirkətlərinin Türkmənistanda bir çox sektorlarda - energetika, nəqliyyat, elektrik enerjisi, tikinti və rabitə sahələrində təmsil olunduğu qeyd olunub.

Qeyd edək ki, BMT Baş Assambleyasının 78-ci sessiyası 19-25 sentyabr tarixlərində Nyu-Yorkda keçiriləcək.

Aytac Süleymanova

Twitter: a_alieva_