BAKI, TurkicWorld
Konyada meşə yanğını ikinci günə keçdi – Hava və quru müdaxiləsi davam edir.
TurkicWorld xəbər verir ki, Türkiyənin Konya vilayətinin Doğanhisar rayonuna bağlı Güvendik məhəlləsinin Davras bölgəsində başlayan meşə yanğını ikinci gün də davam edir.
Yanğının söndürülməsi üçün hava və quru müdaxiləsi koordinasiyalı şəkildə həyata keçirilir.
Meşə İdarəsi Müdirliyi və Yanğından Mühafizə İdarəsinin qrupları, eləcə də yanğınsöndürmə helikopterləri və təyyarələrinin iştirakı ilə intensiv söndürmə tədbirləri görülür. Konya Valiliyindən verilən açıqlamada bildirilib ki, gecə boyunca quru qrupları fasiləsiz işləyib, səhər saatlarından etibarən hava dəstəyi ilə əməliyyatlar davam etdirilib.
Qeyd edək ki, hadisənin genişlənməsinin qarşısını almaq üçün bütün yerli və regional resurslar səfərbər olunub.
