Bakı, TurkicWorld
Türkiyənin aparıcı müdafiə sənayesi şirkəti ASELSAN quru nəqliyyat vasitələrinin faydalı yükləri üçün ümumi dəyəri 296 milyon avro olan yeni müqavilə bağladığını açıqlayıb.
TurkicWorld AzerVoice-a istinadən xəbər verir ki , ASELSAN İctimaiyyəti Məlumatlandırma Platformasına (KAP) verdiyi açıqlamada bildirilib ki, müqavilə yerli müştəri ilə imzalanıb və çatdırılmalar 2027-2028-ci illərdə həyata keçiriləcək.
Bu müqavilə ASELSAN-ın quru platformaları sahəsindəki mövqeyini gücləndirməklə yanaşı, şirkətin texnoloji və strateji inkişafına da töhfə verəcək.
Müqavilənin detalları barədə əlavə məlumat verilməsə də, ASELSAN-ın müdafiə sənayesindəki geniş portfeli və yerli bazara yönəlmiş strateji tərəfdaşlıqları diqqət çəkir.
Şirkət gələcəkdə oxşar layihələrə investisiya qoymaq və müdafiə sektorunda texnoloji üstünlüyünü artırmaq niyyətindədir.
