Bakı, TurkicWorld
Türkiyə ilə Yaponiya arasında diplomatik əlaqələrin qurulmasının 100-cü ildönümü və Ərtoğrul Friqat gəmisinin dənizə çıxmasının 134-cü ildönümü çərçivəsində Yaponiya səfərini başa vuran TCG Kınalıada Corvette İzmirə qayıdıb.
TurkicWorld xəbər verir ki, bu barədə Türkiyə Milli Müdafiə Nazirliyi paylaşım edib.
Türk Dəniz Qüvvələrinin görünürlüğünü artırmaq üçün, milli platformaları tanıtmaq və liman səfərlərinin ediləcəyi ölkələrlə ikitərəfli əlaqələri inkişaf etdirmək məqsədi ilə aprelin 8-də yola salınan TCG Kınalıada, 4 ay 16 günlük səfərindən sonra Foça Dəniz Baza Komandanlığında Leventler Limanında mərasimlə qarşılanıb.
Korvetdə olan 140 şəxsi heyət də mərasim sahəsinə enərək komandirləri salamlayıb.
Qərb Tapşırıq Qrupu komandiri kontr-admiral Koray Vural, Yaponiya ilə Türkiyənin yaxınlaşmasını təmin edən Ərtoğrul Friqat gəmisinin 3 ay Yaponiya sularında qaldıqdan sonra vətənə dönərkən tayfun nəticəsində batdığını və 531 dənizçinin şəhid olduğunu xatırladıb.
TCG Kınalıada korvetinin Yaponiyadakı kursu ərzində cəmi 19 ölkədə 23 liman səfəri etdiyini qeyd edən Vural, xalqa açılan gəmini 3 min 51 nəfərin ziyarət etdiyini bildirib.
Vural, korvetin 1926 saatlıq yelkəndə 27 min 280 dəniz mili məsafə qət etdiyinə diqqət çəkib.
Hafiz Rufizoğlu
