Bakı. TurkicWorld:
İbn Haldun Universiteti, aviasiya və kosmos fəaliyyətləri ilə dünyanın qabaqcıl şirkətləri arasında yer alan TUSAŞ ilə əməkdaşlıq protokolu imzalayıb.
TurkicWorld-un məlumatına görə, iki qurum arasında “Etik Biznes Sertifikatının Pilot Tətbiqi üzrə Əməkdaşlıq Sazişi” imzalanıb. İmzalanma mərasimi TUSAŞ-ın Kahramankazan kampusunda baş tutub.
İbn Haldun universitetinin rektoru Atilla Arkan, Türkiyənin qabaqcıl universitetlərindən olan İbn Haldun Universitetinin TUSAŞ-a mühüm töhfələr verəcəyini vurğulayaraq, iki qurum arasında əməkdaşlıq sahələrinin genişləndirilməsi istiqamətində səylərin davam edəcəyini bildirib.
TUSAŞ-ın baş direktoru Prof. Dr. Temel Kotil əməkdaşlıqdan məmnunluğunu ifadə edib.
İmzalanan protokolla TUSAŞ-ın etik strukturlaşma prosesi yenilənəcək. Etika proseslərini təkmilləşdirmək, etik kodları nəzərdən keçirmək və bu mövzuda təlim ehtiyaclarını ödəmək üçün araşdırmalar aparılacaq.
Aytac Süleymanova
Twitter: a_alieva_