Bakı. TurkicWorld:

Quru sərhədlərindəki tranzit keçid sənədi kvotalarını ləğv etməliyik.

TurkicWorld-un məlumatına görə, bu sözləri Türkiyənin Nəqliyyat və infrastruktur naziri Abdulkadir Uraloğlu, Zəngilanda keçirilən “Türk Dövlətləri Təşkilatına üzv ölkələrin nəqliyyat nazirlərinin toplantısı”nda çıxışı zamanı deyib.

"Biz bu problemlərin, xüsusən də tranzit sənədlərinin ticarətimizə mane olmasına imkan verməməliyik. Daşıma və ticarət qarşısındakı maneələri aradan qaldırmaq və daşıma xərclərini azaltmaq üçün biz Təşkilat daxilində ümumi maraqlarımıza uyğun vahid bir yanaşma qəbul etməli və həyata keçirməliyik. Bu baxımdan biz ikitərəfli tranzit torpaq keçidi sənədi kvotalarını ləğv etməliyik. Bu kontekstdə mən məmnuniyyətlə bildirmək istəyirəm ki, biz Qırğızıstanla ikitərəfli və tranzit daşımaların liberallaşdırılması ilə bağlı razılığa gəlmişik. Ümid edirik ki, digər üzvlərlə də ən qısa zamanda belə addımlar atacağıq”,- deyə nazir bildirib.

Uraloğlu vurğulayıb ki, Təşkilat daxilində fədakar səylər nəticəsində imzalanan Kombinə Daşıma Sazişi ən qısa zamanda qüvvəyə minəcək. Biz sazişi həyata keçirəndə kombinə edilmiş daşıma əməliyyatlarını və Xəzər keçidlərini əhəmiyyətli dərəcədə təşviq edəcəyik və hamımızın əhəmiyyət verdiyimiz Xəzər keçidi ilə Şərq-Qərb Mərkəzi Dəhlizinin Avrasiya daşımalarında payını əhəmiyyətli dərəcədə artıracağıq.

"Təşkilatın üzvü olan ölkələr arasında fiziki əlaqənin ən mühüm və strateji tərkib hissələrindən biri olan Bakı-Tbilisi-Qars (BTQ) dəmir yolu Türk dünyasının iqtisadi inkişafı və rifahı baxımından böyük əhəmiyyət daşıyır. Bu xəttlə bağlı lazımi işləri ən qısa zamanda tamamlamalıyıq. Digər tərəfdən, Mərkəzi Dəhlizin digər mühüm komponenti olan Xəzər keçidini də təsirli, səmərəli və qənaətli etmək üzərində cəmləşmişik. Əminəm ki, logistik əməliyyatlarda problemlər yaradan yüksək ödənişlər və nizamsız reyslər məsələlərini birgə səylərimizlə təcili şəkildə həll edəcəyik və Xəzər keçidlərini arzuladığımız rəqabətli marşruta çevirəcəyik”,- deyə Türkiyəli nazir əlavə edib.

Aytac Süleymanova

Twitter: a_alieva_