Bakı. TurkicWorld:
TCG Anadolu tipli təyyarə gəmilərimizin sayını artırmağı hədəfləyirik.
TurkicWorld-un məlumatına görə, bu barədə Türkiyə prezidenti Rəcəb Tayyib Ərdoğan deyib.
"İspaniya ilə daha bir müqavilə bağlayacağıq. Bununla da TCG Anadolu-nun üst modellərini ölkəmizə gətirərək təyyarə gəmilərimizi 2-yə çatdıracağıq" – deyə Ərdoğan qeyd edib.
TCG Anadolu-nun xüsusiyyətləri
Tuzladakı Sedef Gəmiqayırma Zavodunda inşa edilən TCG Anadolu, uzunluğu 230 metr, eni 32 metr və ölçüsü 9 min 200 kvadratmetrdir. Uçuş göyərtəsinin yerləşdiyi gəmiyə 6 helikopter eyni anda enib qalxa bilməklə yanaşı, PUA-lar da yerləşdirilə bilər.
1200 hərbçinin olduğu TCG Anadolu-da 30 çarpayılıq xəstəxana və 2 əməliyyat otağı var.
TCG Anadolu humanitar yardım və nəzarət gəmisi vəzifələrində, xüsusilə amfibiya əməliyyatlarında və hava əməliyyatlarında da istifadə edilə bilər.
Hafiz Rufizoğlu
